Sport

Basket 3 x 3 Anda Hidôla 2019 Nafana tokoa tao Fenoarivo Atsinanana

Sport
Alarobia 27 Martsa 2019

Tontosa teny amin’ny araben’ny fahaleovantenan’i Fenoarivo Atsinanana ny sabotsy 23 sy alahady 24 martsa 2019 ny fifaninanana basikety 3 x 3 “Anda Hidôla 2019” andiany voalohany

nokarakarain’ny ligy rejionalin’ny baskety baolina any Analanjirofo notarihan’ny filohany, Juliana Rabarijaona, ary teo ambany fiahian’ny Fmbb « Federasiona Malagasin’ny Baket-ball ». Tafavoaka ho mpandresy teo amin’ny sokajy Sénior lehilahy tamin’ireo ekipa 10 nandray anjara ny 2 Bc Antsirabe nandresy ny Copn 2 Mahanoro 14 – 10 teo amin’ny lalao famaranana. Teo amin’ny sokajy U 18 zatovolahy nahitana ekipa 14 nandray anjara kosa dia ny Ascut Toamasina nandavo ny Riven’s Fenoarivo Atsinanana 16-04 no voahosotra ho tompondaka. Teo amin’ny « Tirs à 3 points » dia i Fanilo no voalohany teo amin’ny sokajy Sénior ary i Elia kosa teo amin’ny sokajy U 18.

Ntsoavina Evariste