Sport

Basikety U 14 sy Vétéran - Analamanga Mb2All , Dtsc , Jcba ary ny Bbcm no tompondaka

Sport
Alatsinainy 06 Aogositra 2018

Tontosa omaly tolakandro tetsy amin’ny kianja mitafon’i Mahamasina ireo lalao famaranana 4, sokajy U 14 zazalahy sy zazavavy ary sokajy veteran lahy sy vavy ihany koa.

Voahosotra ho tompondakan’ny ligin’Analamanga tamin’izany ny Mb2All U 14 zazavavy nandresy ny Jcba 46-27, ny Dtsc U 14 zazalahy nandavo ny Jcba ihany koa 80-37, ny Jcba veteran vehivavy nandresy ny Bbc 37-27 ary ny Lrbba veteran lehilahy nandavo ny Bbcm 64-47. Afa-po izahay ligy, hoy ny filohany Rasolomalala Fidy teny Mahamasina omaly, tamin’ny fahatanterahana sy fahatomombanan’ny fifaninana rehetra ka hisaorana ny rehetra izany, ireo klioba sy mpilalao, mpanazatra, mpijery, mpanohana samihafa ary indrindra indrindra ireo ray aman-dreny teny nanohana ankitsim-po ireo zanany. Hita, hoy ity filohan’ny ligin’ny basikety eto Analamanga ity, fa niakatra ambony tokoa ny haavo teknikan’ireo mpandray anjara ka tsy nifalavitra mihitsy ny elanelan’isa azon’ireo mpifanandrina tamin’ny ankapobeny. Ny fiadiana ny ho tompondakan’ny U 16 sy U 18 indray no fifaninanana manaraka ho karakarain’ny ligy.

Ntsoavina Evariste