Sport

Basikety - Tompondakan’i Afrika Fiba 3 x 3 Amin’ny alakamisy izao no ho fantatra ny Malagasy 4

Sport
Talata 24 Oktobra 2017

Amin’ny alakamisy 26 oktobra 2017 no ho fantatra ireo mpilalao 4 hisolotena antsika Malagasy hiatrika ny ho tompondakan’i Afrika andiany voalohany eo amin’ny taranja basikety na ny Fiba 3 x 3 hotontosaina any Lomé Togo ny 3 ka hatramin’ny 5 novambra ho avy izao.

Efa nanomboka tamin’ny alatsinainy 16 oktobra teo no niatrika ny fampivondronana teto Antananarivo ny mpilalao 6 voafidy ho “pré-sélectionnés” amin’izany dia i ARNOLD (2BC), AHMED (ASCB), ELLY (ASCB), RICKY (ASCB), FABRICE (GNBC), CLAUDIO (COSPN). Mazava ho azy fa ny 4 amin’izy enina mirahalahy ireo izany no handeha ho any Togo. Mba hisian’ny fanomanantena tsara mialoha ny lalao, hoy ny tale teknikan’ny federasion’ny Basket-Ball Razafiarivony Angelot, dia tsara raha tonga mialoha any Togo ireo ekipantsika fa sady lavitra koa ny toerana. Fantatra ary fa ny sabotsy 28 oktobra izao hiala eto an-tanindrazana ny delegasiona Malagasy ahitana ny filoha mpitarika azy sy ny mpanazatra nasionaly, Randrianarivelo Jean de Dieu.

Razafed Zanany