Sport

Basikety tetikasa Junior NBA Olo-manankaja maro no nanatrika ny fanokafana ofisialy

Sport
Alatsinainy 18 Novambra 2019

Nosokafana tamin’ny fomba ofisialy tetsy amin’ny kianja mitafon’Ankorondrano tamin’ny sabotsy 16 novambra 2019 maraina teo ny tetikasa Junior NBA eo amin’ny taranja basikety.

Enin-kaja enim-boninahitra ity fanombohan’ity tetikasa ity fa notronin’ny olo-manankaja maro toy ny minisitry ny sparo Malagasy sy ny tompon’andraikitry ny Jr NBA aty Afrika ary ny Ambasadaoron’i Etazonia monina sy miasa teo amintsika ary samy nandefa hafatra tamin’ny anjaram-pitenenana nataony avokoa. Niavaka ny filaharana nataon’ireo ekipana sekoly zazalahy niisa 30 sy zazavavy niisa 24 tamin’izany lanonam-panokafana izany. Nisy avy hatrany ireo lalao natrehana taorian’izay ka hitohy isaky ny sabotsy etsy amin’ny Lapan’ny fanatanjahantena Mahamasina hatramin’ny volana martsa 2020.

Ntsoavina Evariste