Sport

Basikety sokajy U 16 Tompondaka ny ASCB Boeny sy ny FANDRASA Matsiatra Ambony

Sport
Talata 05 Septambra 2017

Ny ekipa zatovolahin’ny Ascb Boeny nandavo ny Ascut Atsinanana tamin’ny isa 76-53 tamin’ny famaranana sy ny ekipa zatovovavin’ny

Fandrasa Matsiatra Ambony nandresy ny Mb2All 44-38 no voahosotra ho tompondakan’i Madagasikara 2017 eo amin’ny taranja basikety baolina sokajy U 16. Lalao notontosaina tany amin’ny kianjan’Antamponivinany Ambositra tamin’ny alahady 3 septambra 2017. Ny Serasera Vakinankaratra nandresy ny Cospn2 Atsinanana 51-41 no nitana ny laharana faha-3 teo amin’ny zatovovavy rah any Dtsc Analamanga nandavo ny Asa Analamanga 44-43 no nitana izany laharana faha-3 izany teo amin’ny zatovolahy.
Hanitra N°14 Mb2All no zazavavy mpampidi-baolina be indrindra, nahatratra 119, raha i Jaoravo Olivier Fabrice N° 10 ASCB no nahafaty 141 teo amin’ny zazalahy. Voahosotra ho mpilalao mendriky ny fifaninanana kosa ny zatovovavy Rafiaferana Tiavisoa Fandrasa (Matsiatra Ambony) sy ny zatovolahy Tsarafeno Edito ASCB (Boeny).

Ntsoavina Evariste