Sport

Basikety « SCHOOL TOURNAMENT 3x3 » Hanomboka anio sabotsy 26 mey etsy Mahamasina

Sport
Sabotsy 26 Mey 2018

Ekipa miisa 80 avy amin’ny fianarana 28 no handray anjara amin’ilay fifaninanana Basikety « School Tournament 3x3 » karakarain’ny Fmbb na ny Federasiona Malagasin’ny Basket-Ball.

Nozaraina ho « zône » roa izy ireo ka ny andiany voalohany dia anio sabotsy 26 mey 2018 no hiatrika ny fifanintsanana etsy amin’ny kianja ivelany Mahamasina. Eo amin’ny U 18 G dia ahitana ekipa 12 nozaraina 4 « poules » x 3. Ny U 18 F dia ekipa 8 nozaraina roa « poules » x 4. Ny U 15 G dia ekipa 12 nozaraina 4 « poules » x 3 ary ny U 15 F misy ekipa 4 « poule » tokana. Ny andiany faharoa kosa dia amin’ny sabotsy heriny 2 jona no hiatrika ny fifanintsanana ka ny ekipa 6 voalohany avy amin’ireo dingana roa ireo no hiatrika ny dingana famaranana hotontosaina ny sabotsy 16 jona 2018.

Ntsoavina Evariste