Sport

Basikety nasionaly sokay U 18 taona 2018 Ny Dtsc Analamanga lahy sy Mb2All vavy no tompondaka

Sport
Alatsinainy 15 Oktobra 2018

Nifarana omaly alahady 14 oktobra 2018 tany amin’ny kianja Bika Tsiroanomandidy ny lalao basikety niadiana ny ho tompondakan’i Madagasikara sokajy U 18.

Tafavoaka tamin’izany ny Dtsc Analamanga zatovolahy sy ny Mb2All Analamanga zatovovavy rehefa nandresy avy ny Serasera Vakinankaratra 65-55 sy ny Lucadro Analamanga 88-60 teo amin’ny lalao famaranana. Nitana ny laharana faha-3 teo amin’ny zatovolahy ny Cospn 2 Analamanga nandresy ny Mb2All Analamanga 79-56. Teo amin’ny zatovovavy kosa ny Tamifa Amoron’i Mania nandavo ny Fandrasa Matsiatra Ambony 75-53.

Voahosotra ho mpilalao mendrika indrindra Raharitiana Pamella n°11 Mb2All vehivavy sy Randrianaivo Fanoro n°11 Dtsc lehilahy. Mpampidi-baolina be indrindra Azeline Abdoul Karim N°8 Lucadro (isa180) sy Tsialefitra Phily Claudel n°14 Cospn2 (isa300).

Ntsoavina Evariste