Basikety Ligin’Analamanga Raikitra ny Fiadiana ny ho tompondaka rejionaly N1B L

V sy U20L

Sport
Alarobia 20 Martsa 2019

Ho tontosaina amin’ny sabotsy 23 sy alahady 24 martsa 2019 ho avy izao, eny amin’ny kianja Fifakri Ilafy sy eny amin’ny kianja Arocaria Ilafy samy eny Avaradrano, ny fifanintsanana basikety fiadiana ny ho tompondaka rejionalin’Analamanga sokajy N 1B lahy sy vavy ary U 20 lehilahy.

Ekipa 8 no handray anjara eo amin’ny N 1B lehilahy (Abb, Rd Bc, Jbm, Bj Team, Ngb, Ami, Challenger ary ny 105). Ekipa 6 kosa ny eo amin’ny N 1 B vehivavy (Mb2All, Ecbba, Lucadro, Bcsm, Asf ary Cbbt) ary ekipa 4 ireo ao amin’ny sokajy U 20 lehilahy (105, Ecbba, Bcna ary Abb). Samy hanomboka amin’ny 9 ora maraina avokoa ireo lalao ho tanterahina eny amin’ny Fifakri sy Arocaria ny sabotsy 23 martsa sy eny amin’ny Arocaria ny alahady 24 martsa. Nambaran’ny filohan’ity ligin’ny basikety eto Analamanga ity, Fidy Rasolomalala, fa any amin’ny alahady 28 aprily 2019 no hanatanterahana ny dingana famaranana amin’ireo fifaninanana ireo.Heno koa etsy an-kilan’izany fa hanomboka anio ny fanadinana an-tsoratra (online) hiakarana ho mpitsara iraisam-pirenena ho an’ireo mpiadina Malagasy 5 afaka tamin’ny “test physique” notanterahina tetsy amin’ny kianja mitafon’i Mahamasina tamin’ny 10 martsa 2019 teo.

Ntsoavina Evariste