Sport

BASIKETY

Sport
Sabotsy 04 Aogositra 2018

Miditra amin’ny andro faha- 24 sy faha-25 ny fifaninanani basikety faha-10 taonan’ny At2b “Andraisoro Tia Basket Ball” anio sabotsy 4 aogositra sy rahampitso alahady 5 aogositra 2018. Na dia hisy lalao ihany aza eny Andraisoro dia eny amin’ny kianjan’ny basikety Betongolo ambanin’ny dobo filomanosana no hanatanterahana ny ankamaroan’ireo lalao amin’ireo andro roa ireo ho an’ny senior lahy sy vavy, U 18G ary U 12G manomboka amin’ny 8:30-16:00.

RUGBY à XV

Hifanindran-dalana samy hotontosaina rahampitso alahady 5 aogositra ireo lalao rugby à XV “Finale Coupe de l’Indépendance 2018” miaraka amin’ny “Finale Face à Face ady omby mifahy » samy D-1 karakarain’ny Fikambanan’ny Tanora Mpanao Rugby hotontosaina eny amin’ny kianjaben’i Mahamasina sy ny « Finale Inter-Section ady omby mifahy » miaraka amin’ny « Super Coupe Analamanga » karakarain’ny Fikambanana Mazavaloha sy ny Analamanga Rugby etsy amin’ny kianja Malacam Antanimena. Lalao anisan’ny goavana ny an’ny Cnaps Sport # Tfa sy 3Fb # Tam.