Sport

Barean’i Madagasikara Tokony hahazo 2 miliara ariary, raha kely indrindra

Sport
Talata 16 Aprily 2019

Ho fanatsarana ny tontolon’ny baolina kitra aty afrika dia fanapahan-kevitra noraisin’ny avy eo anivon’ny kaonfederasionina na ny CAF ny hanolotra lelavola mitentina 600.000 dolara na 2 124 000 000 ariary avy ireo ekipam-pirenena miisa 24 handray anjara amin’ny tompondakan’i Afrika izay atao any Ejipta ny 21 jona ka hatramin’ny 19 jolay izao.

Mitentina 4,5 tapitrisa dolara kosa no omena ny ekipa tompondaka. Fara faha keliny izany dia tokony hitondra 600.000 dolara mody ny barean’I Madagasikara. Raha tsiahivina ny fifaninana farany ny taona 2017 teo dia mitentina 4 tapitrisa dolara no azon-drizareo kameroney izay tompondaka, 2 tapitrisa no azon’ny ejiptianina, laharana faharoa. 1,5 tapitrisa no an’ny fahatelo sy fahaefatra.

J. Mirija