Sport

Barean’i Madagasikara Niantso mpilalao vaovao roa i Nicolas Dupuis

Sport
Zoma 23 Oktobra 2020

Nampahafantarin’i Nicolas Dupuis, mpanazatra ny Barea an’i Madagasikara, ireo mpilalao 25 lahy hantsoina hiatrika ny fampivondronana eto Madagasikara, hifantenana ireo 23 voatana farany handrafitra ny ekipam-pirenena hiatrika ireo lalao mandroso sy miverina hihaonan’ny Barea amin’ny Elefantan’i Côte d’Ivoire amin’ny tapaky ny volana novambra ho avy io.

Niantso mpilalao iray avy eto an-toerana, Nina Razakanirina izay mpiandry haraton’ny klioba Fosa Junior i Nicolas Dupuis. Mpilalao mpila ravinahitra ireo 24 ambiny. Vao sambany vao hiditra Barea ny roa amin’ireo dia i Loic Papoussin, irakiraka milalao any Belzika sy i Mathias Randriamamy, mpiandry harato, vao 17 taona, milalao any amin’ny Paris Saint Germain - Frantsa. Ireo mpilalao nantsoina :

MPIANDRY HARATO : Melvin Adrien, Nina Razakanirina ary Mathias Randriamamy.

VODILAHARANA : Jeremy Morel, Thomas Fontaine, Jerome Mombris, Sylvio Ouassiero, Pascal Razakanantenaina, Romain Metanire, Rayan Raveloson.

IRAKIRAKA : Abel Anicet, Ibrahim Amada, Marco Ilaimaharitra, Hery Bastien, Zotsara Randriambololona, Dimitry Caloin, Dax Arohasina Andrianarimanana, Loic Lapoussin ary Lalaina Nomenjanahary na Bolida.

MPANAFIKA : Voavy Paulin, Carolus Andriamahitsinoro, Hakim Abdallah, William Gros, Njiva Rakotoharimalala ary Alexandre Ramalingom. Jean D.