Sport

Barean’i Madagasikara Nanaiky ny fiantsoana azy i Faneva Ima

Sport
Alatsinainy 08 Martsa 2021

Namaly ofisialy ny fiantsoan’ny mpanazatra Nicolas Dupuis azy manokana, hiverina hanatevin-daharana ny

Barean’i Madagasikara i Faneva Ima, kapitenin’ny ekipam-pirenena teo aloha. « Rehefa avy nifandinika tamin’ireo Ray aman-dReniko sy ny vady aman-janako, noho ny antson’ny mpanazatra sy ny mpitantana ny baolina kitra Malagasy (FMF) izay tsy nampoiziko, dia ampanetren-tena lehibe sy am-pitiavana no anolorako tànana ho an’ireo mpilalao Malagasy tanora sy mendrika mba hiara-hifarimbona sy hifanome hery mba hahazoan’i Madagasikara indray ny fiakarana amin’ny CAN 2022 », hoy i Faneva Ima. Naneho izy fa vonona amin’izay andraikitra hampiandraketina aminy, ary Barea mandrakizay. Hery lehibe ho an’ny Barea ny fisian’ity kapiteny teo aloha, isan’ny nitondra anjara biriky betsaka ho an’ny ekipam-pirenena ity.

Toky R