Sport

Barean’i Madagasikara Ho fantatra anio ireo mpilalao 25 mirahalahy

Sport
Alakamisy 22 Oktobra 2020

Nampahafantatra i Nicolas Dupuis, mpanazatra ny Barea an’i Madagasikara, fa anio no hanolorany ny anaran'izy 25 mirahalahy izay voaantso handrafitra ny ekipam-pirenena Malagasy

amin'ny fampivondronana amin'ny novambra ho avy io, mialoha ny hiatrehana ny lalao mandroso sy miverina amin’ny Elefantan’i Côte d’Ivoire. Afaka 19 andro eo sisa ny lalao goavana hifanandrinan’ny roa tonta, ary efa nivoaka ny fankatoavana vonjimaikan’ny FIFA ny kianjan’i Barikadimy Toamasina amin’ny lalao miverina ny 17 novambra, raha any Abidjan kosa ny lalao mandroso amin’ny 09 novambra izao. Raha hiverenana ny lalao ara-pirahalahiana fiomanan-tena, dia nahatazona ady sahala 0-0 an’I Belgique izay laharana voalohany maneran-tany sy resin’I Japon 1-0 ny Ivorianina. Efa mivonona ary manamafy ny ekipam-pirenena kosa I Nicolas Dupuis, izay mikendry ny hanana ekipa afaka mifanandrina amin’ireo matanjaka aty Afrika. Miandry fatratra ny lalao ny Malagasy, ary tsy miala amin’ny fanohanana.

Toky R