Sport

Barean’i Madagasikara Hiala ao Parisy anio

Sport
Talata 06 Oktobra 2020

Araka ny fampitam-baovao voaray avy eo anivon’ny federasionina malagasin’ny baolina kitra dia hiala ao Parisy, Frantsa, amin’ity anio ity ireo mpilalao eo anivon’ny Barean’i Madagasikara.

Omaly moa no tonga tsirairay tao Parisy ireto mpilalao eo anivon’ny ekipam-pirenena Malagasy ireto. Hisy kosa ny fiarabe na “bus” iraisana hitondra azy ireo hihazo an’i Luxembourg anio. Rahampitso alarobia no tena hanomboka ny fampivondronana, izany hoe, manana 3 andro hanazaran-tena ireto lehilahin’i Nicolas Dupuis ireto mialohan’ny lalao hanazaran-tena amin’ny klioban’i Swift Esperange ny zoma izao. Ny ampitson’io indray izany no hihazo an’i Maraoka hanomana ny fihaonana amin’i Burkina faso ny alatsinainy 12 oktobra.

J. Mirija