Sport

Barean’i Madagasikara Hanainga anio ho atsy Afrika Atsimo

Sport
Alakamisy 24 Mey 2018

Araka ny fantatra dia hanainga anio ho atsy Afrika Atsimo hiatrika ny fifaninanana baolina kitra “Cosafa Cup 2018” ny Barean’i Madagasikara.

Fantatra taorian’ny lalao fitsapana farany nifanaovany tamin’ny ekipa voafantin’ny ligin’Analamanga tamin’ny talata 22 mey teo izay nisaraka ady sahala (0-0) fa tsy hisy mpilalao mpila ravinahitra ho tonga hiaraka amin’ity Barea ity fa ireo mpilalao miisa 20 efa voafantin’ny mpanazatra Andriamanarivo Franklin sy Razafindrakoto Mamisoa mpanampy azy ihany no hiatrika ny fifaninanana. Tazana tetsy Mahamasina tamin’io talata io nanara-maso ny fanazaran-tena nataon’ity Barea ity ny mpanazatra nasionaly, René Dupuis, izay nilaza fa mbola hanara-maso ny Barea any Afrika Atsimo mba hahazoana mifantina mpilalao 4 na 5 hanatevina ny Barea mpila ravinahitra amin’ny fihaonana amin’ny Sénégal amin’ny volana septambra ho avy izao.

Ntsoavina Evariste