Sport

Barean’i Madagasikara Efa dinihina ny fiaramanidina manokana hitondra azy ireo

Sport
Alakamisy 05 Martsa 2020

Efa niara-nivory tamin’ny tompon’andraikitry ny federasionina sy ny mpanazatra,

Nicolas Dupuis, ny avy eo anivon’ny fitondram-panjakana, raha ny fanazavan’ny minisitry ny fanatanjahantena, Tinoka Roberto, mikasika ny fangatahan’ny mpankafy baolina kitra Malagasy ny amin’ny mba hananan’ny ekipam-pirenena Malagasy fiaramanidina manokana ho amin’ny dian’izy ireo mandritry ny lalao miverina sy mandroso hifanandrinany amin’ny ekipam-pirenena Ivoarianina. Mielanelana 4 andro monja moa izay lalao hifanandrinan’ny Barea sy ny Elefanta hotontosaina amin’ny 27 sy 31 martsa izao izay, raha tsiahivina. Efa mandeha koa ny fitsirihana izay kianja handraisana ny lalao eto amintsika, raha ny fanazavana hatrany. Efa miasa ny orinasa any Toamasina mikasika ny kianjan’i Barikadimy satria misy lamina na “assaignissement” tsy maintsy atao. Mikasika ny fisian’ny aretina Coronavinus kosa dia hetraketraky ny natiora io ka tsy voafehin’ny olombelona ary misy ny vahaolana faharoa na “solution B” raha toa ka misy ny sampona, hoy hatrany ny minisitra.

J. Mirija