Sport

Barean’i Madagasikara any amin’ny CAN 2019 Ambasadaoron’ny ankizy hiharan’ny herisetra maneran-tany

Sport
Zoma 14 Jona 2019

Tamin’ny fandalovany teto Madagasikara farany teo nialoha ny nandehanany nankany Maroc nanohy ny fanazaran-tenany dia nandalo teny amin’ny BMH (Bureau Municipal d’Hygiène)

d’Antananarivo tetsy Isotry ny mpilalaon’ny Barean’i Madagasikara notarihan’ny kapiteniny, Faneva Ima sy ny mpanazatrany, Nicolas Dupuis, notronin’ny Telma nitsidika sy nitafatafa tamin’ireo ankizy iharan’ny herisetra samihafa mitoby ao. Nanambara izy ireo fa vonona ny ho ambasadaoron’ny ankizy hiaro ny zony sy hanohitra ny herisetra ara-batana sy ara-moraly mihatra amin’izy ireo sy hanohitra ihany koa ny fanambadiana aloha loatra eo amin’ny ankizy Malagasy. Andao isika hiaraka hiady hanome fanabeazana avo lenta ho an’ny ankizy rehetra, hoy kosa ny solontena maharitry ny Unicef eto Madagasikara, Michel Saint-Lot. Ianareo mpilalaon’ny Barean’i Madagasikara rehefa miakatra ny kianja any Egypte any dia aoka hieritreritra ho ambasadaoron’ny ankizy iharan’ny herisetra rehetra maneran-tany fa tsy ny ankizy malagasy irery ihany.

Ntsoavina Evariste