Sport

Barean’i Madagasikara Afaka manoratra tsara ny tantara anio

Sport
Zoma 02 Septambra 2022

Indroa teo am-bavan'ny dingana famaranan'ny « Championnat d'Afrique des Nations » na CHAN, izany hoe, ny fiadiana izay ho tompondakan’i Afrika eo amin’ny taranja baolina kitra isika, raha tsiahivina ny tantara.

Inoantsika fa ity fahatelo ity no izy, hoy ny mpamakafaka fanatanjahantena, Mirado Rakotoharimalala. Ho mafy io lalao rahampitso io (TTF : anio), hoy ny mpanazatra ny ekipam-pirenena malagasin’ny baolina kitra na Barea milalao eto an-toerana, Romuald Rakotondrabe na Roro, fa tsara ny nahazoana tombony tamin'ny lalao mandroso. Mbola tsy vita anefa ny asa. Araka ny efa nambara dia anjarantsika ny manohana ny ekipantsika etsy amin’ny kianja Barea Mahamasina mandra-pahatapitry ny 90 minitra farany manoloana ny Zebran’I Botswana anio. Sahala dia efa ampy hahatongavana any Alzeria fa inoana kosa anefa fa mbola fandresena lavitra mihoatra ilay 1 noho 0 tany amin’ny lalao mandroso no hanoratantsika tantara anio.
J. Mirija