Sport

Barean’i Madagasikara Afaka hihazo an’i Maraoka i Carolus sy Amada

Sport
Alakamisy 08 Oktobra 2020

Tonga tany Luxembourg omaly namonjy ireo namany i Nomenjanahary Lalaina na i Bolida Mpilalaon’ny Barea.

Araka ny fampitam-baovao avy any amin'ny namana mpiandraiki-draharaha ny Masohivon-tsika ao Arabie Saoudite Mr Chamarly Jonchelin Andrianjafimananjara dia efa milamina ny visà na ny taratasy fahazoan-dalan'i Nani Andria Carolus sy Ibrahim Amada izay hiazo an'i Maroc ny asabotsy ho avy izao, hoy ny fampitam-baovaon’i Odon Marius Randrianiaina tao amin’ny tambajotran-tserasera. Salama tsara daholo ny ekipa ary miaina tanteraka ao anatin'ny firahalahiana tanteraka. Anio no hanantanteraka ny fitiliana Covid-19, ary vita izany dia miverina mikontrana indray, hoy ny mpanazatra Nicolas Dupuis. Efa tafiditra tsara ao anatin’ny “ambiance” ireo mpilalao vaovao dia Hery Bastien, Alexandre Ramalingom, Sylvio Ouassiero, Hakim Abdalah. Rahampitso ny lalao fitsapana voalohany hifanandrinan’ny Barea amin’ny Swiftt Hesperange Kliobe divizionina voalohany ao Luxembourg, izay hilalaovan’i Hakim Abdalah iray amin’ireo, mpilalao vaovao sambany voahantso handrafitra ny ekipam-pirenena Malagasy. Anicet, Metanire, Mombris,… izany no tsy ho afaka amin’ny lalao hifanandrinana amin’i Burkina Faso sy ny rahampitso. Ho an-dry zareo Ivorianina kosa dia anio ny lalao fitsapana goavana ho azy ireo hifanandranany amin’i Bélgique laharana voalohany hatrany maneran-tany eo amin’ny filaharana faran’ny FIFA nivoaka ny 16 septambra teo.

J Mirija sy Toky R

Legende: Ibra sy Carolus