Sport

Barean’i Madagasikara

Sport
Talata 14 Mey 2019

JEREMY MOREL Nanjakan’i Jérémy Morel sy ny Olympique Lyonnais ny alahady teo ny kianjan’ny Olympique de Marseille.

Tamin’ny isa mavesatra 0-3 no nandresen’ity mpilalaon’ny ekipam-pirenen’ny baolina kitra malagasy ity sy ny klioba frantsay izay hilalaovany ny OM ary voalaza fa nisongadina ity vodilaharantsika ity.

ABEL ANICET

Nangotraka be, araka ny niandrasan'ny maro azy ny fihaonana tafiditra amin'ny andro faha-33 amin’ny fiadiana ny tompondakan'i Bolgaria dia ny fihaonan'ny PFC Ludogorets 1945 misy an'i Anicet Abel Andrianantenaina ao amin’ny ekipam-pirenen’ny baolina kitra malagasy sy ny PFC CSKA-Sofia. Ireto ekipa ireto izay mitazona ny laharana roa voalohany amin'ny filaharana ka ry Abel no manatombo isa 3 eo alohan'ny Sofia. Tsy nanova ny filaharana moa ny vokatra ady sahala 0-0 ny alahady teo.

DAX

Tafita hiatrika ny famaranan'ny Nedbank ry Dax sy ny Kaizer Chiefs rehefa nandresy ny Chipa United 4-2. Tompon-toerana sady nampiditra baolina indray i Andriamirado Andrianarimanana tamin'io fihaonana io.