Barea U17

Nanomboka ny fampivondronana

Sport
Alatsinainy 25 Aogositra 2025

Nanomboka ny 21 aogositra teo ny fampivondronana ireo ekipam-pirenena

malagasin’ny baolina kitra, latsaky ny 17 taona, na Barea U17, raha ny fampitàm-baovao voaray. Ny fanomanana ny fiadiana izay ho tompon’amboaran’ny kitra aty atsimon’i Afrika na COSAFA U17 no antony. Ireo mpilalao amin’ny fifaninanam-pirenena eto an-toerana ho an’izay latsaky ny 17 taona izay no nantsoina handrafitra ny ekipam-pirenena, hoy ny fanazavàna. Eo koa ny Indian Ocean Festival U15, ny CJSOI ary ireo ivotoeram-panomanana ho amin’ny kitra matihanina misy. Mety hisy ihany koa anefa ny fiantsoana ireo mpilalao mila ravinahitra ivelan’i Madagasikara, raha ny fanazavàna hatrany.
Nangonin’i J. Mirija