Sport

Barea sy ny Qatar 2022 Miandrandra endrika vaovao ny mpankafy

Sport
Alatsinainy 12 Jolay 2021

Nirina Ebobisse, 24 taona, 1,83m, 79kg , lohalaharana afovoany ao amin’ny Portland Timbers, divizionina voalohany ao Etazonia,

izany hoe isan’ny miatrika ny fifaninanam-pirenena MLS miaraka amin-dry Romain Metanire sy Rayan Raveloson. Eo koa i Scotty Sadzoute, 23 taona, 1,72m, 56kg, elatra havanana ao amin’ny OH Leuven, divizionina voalohany ao Belzika. Eo koa I Boto Kenji-Van, 25 taona, 1,83m, 71kg, elatra havanana ao amin’ny FC Pau, divizionina faharoa frantsay. Malaza koa moa I Francis Coquelin, 30 taona, 1,78m, 74kg, irakiraka afovoany mpiaro ao amin’ny Villareal CF, divizionina voalohany ao Espanina. Farany moa dia ny zandrikely ao amin’ny OGC Nice, divizionina voalohany frantsay, Andy Pelmard, 21 taona, 1,80m, 69kg. 5 mirahalahy isan’ny maro mpivoy ireo tato ho ato ary heverina fa endrika vaovao andrandrain’ireo mpankafy ny baolina kitra Malagasy, indrindra ny ekipam-pirenena Malagasy, mba ho isan’ireo ho voaantso hanatevin-daharana ny Barea ny volana septambra izao ao anatin’ny fiatrehana ny fiadiana ny tapakila hakanesana any amin’ny fiadiana ny amboara eran-tany eo amin’ny taranja baolina kitra dia ny Qatar 2022 izany.
J. Mirija