Sport

Barea Ny mety ho endrik’ireo hijoro

Sport
Alakamisy 09 Martsa 2023

Raha betsaka ireo irakiraka dia toa azo vakiana sahady ny tian'i Nicolas Dupuis ahatongavana. Raha izao mantsy no fisehony dia mety ilay fipetraka lasa be mpanao amin'izao fotoana dia ny 4-1-4-1.

Indro ary omena anao ny valin'ny fanadihadiana nataon'ny ekipan’ny Tia Tanindrazana.
Avy aoriana ary avy any havia miankavanana. Nina-Tantely, Berajo, Datsiry, Dadafara- Ando Pro- La Poussin, Rayan, Ilaimaharitra, Rakool- Jean Yves Mety mbola mahita tsara noho io i Nicolas Dupuis fa raha ny fiovana mety hitranga miakina amin'ny heriny amin'izao dia mety ho Boto no eo amin'ny toeran'i Datsiry ary Njiva no misolo an'i Lalaina. Fa na izany na tsy izany dia ireo aloha no azo ampiadiana raha te handresy ny Centrafrique. Misy koa aza mieritreritra hoe maninona moa raha tonga dia atao lohany i Rayan Raveloson dia i Amada no irakiraka. Samy manana ny eritreriny fa ny tanjona dia ny hananana hery hanohitra ireto Centrafrique ireto izay hiantehitra amin'ny traikefan'i Kondogbia, ilay irakiraka milalao ao amin'ny Atlético Madrid.
Clément RABARY