Sport

BAREA JIOI 2019 Hiantehitra amin’ny «Jeux Collectif », hoy i Rôrô

Sport
Zoma 05 Jolay 2019

Tazana nanohy ny fanazarantenany tetsy amin’ny kianjan’i Mahamasina omaly alakamisy 04 jolay 2019 ny Barea JIOI «Barea handeha hiatrika ny fifaninanana baolina kitra any amin’ny lalaon’ny nosy 2019 any Maorisy ».

« Efa nahazo fanazarana ara-batana fenofeno ireto mpilalao tantanako ireto, hoy i Rôrô Rakotondrabe mpanazatra raha tafaresaka tamin’ny Tia Tanindrazana tamin’io omaly io, ka ny resaka “Tactique” sisa no hamafisina amin’izao herinandro faramparany hanaovana fanazarana izao. Tsy dia manana “ Star ” izahay ao anatin’ireto mpilalao ireto fa ny lalao iombonana na “ jeux collectif ” no hianteherana. Salama tsara avokoa ireo mpilalao rehetra afa-tsy i Feldam (Jet Mada) izay naratra tamin’ny sabotsy teo teny Carion. Mbola handrasana koa ny fahatongavan’i Rinho Michel avy any Seychelles sy Simouri Olivier avy any La Réunion hanatevin-daharana ny ekipa. Vonona tanteraka izahay hiatrika ny Barea Chan etsy Mahamasina amin’ny alahady ho avy izao», hoy izy,

Ntsoavina Evariste