Sport

Barea hihaona amin’i Côte d’Ivoire Hanatevin-daharana i Hakim sy Hery ary Alexandre

Sport
Alarobia 12 Febroary 2020

Efa namaly ny fiantsoana azy ireo hanatevin-daharana ny Barean’i Madagasikara amin’ny fihaonany amin’ny ekipam-pirenen’i Côte d’Ivoire

amin’ny volana martsa izao ao anatin’ny fifanintsanana hahazoana miatrika ny CAN 2021 hotontosaina any Cameroun ny mpilalao Malagasy 3 mirahalahy mila ravinahitra any ivelany any dia i Hakim Abdallah lohalaran’i Fc Nantes France ankehitriny sy i Bastien Hery mpilalaon’ny Linfield FC any Ecosse ary i Alexandre Ramalingom “avant centre” ao amin’ny ekipan’i Royal Excelsior Virton any Belgigue

Tamin’ny valandresaka ho an'ny mpanao gazety nataon’ny Coach Nicolas Dupuis tetsy amin’ny birao fiasany tetsy amin’ny Lapan’ny kolontsaina sy fanatanjahantena Mahamasina, omaly talata 11 febroary 2020, no nampisehoany ny fahavitan’ny “passeport Malagasy” - n'izy 3 mirahalahy ireto. Nampita ny fisaorana ho an'Atoa filoham-pirenena ny Coach tamin'ny fanamorana ny fahavitan'ny « passeport”. Na izany aza, hoy izy, dia sarotiny tena sarotiny ny filoha nitaky tamiko ny taratasy fanamarinana fa tena misy ra Malagasy tokoa izy ireo. Raha nantsoina anefa izy ireo, hoy ihany izy, dia tsy midika fa ho tompon-toerana avy hatrany akory any Côte d’Ivoire fa ohatran'ireo sasany hantsoina ihany koa dia mbola ho “Préléctionnés” avokoa. Nambaran'i Nicolas Dupuis teo am-pamaranana fa manana fanantenana feno amin’ny lalao miandry ny Barea any Côte d’Ivoire ny tenany fa dia ho avy ihany koa i Zotsara izay efa sitrana tamin’ny ratra nahazo azy fa i Jeremy Morel no mampanahy noho ny ratra nahazo azy ka mety hananosarotra ny hilalaovany amin’ity fihaonana ity.