Barea

Haka tahaka an'i Frantsa i Roro Rakotondrabe

Sport
Alakamisy 21 Desambra 2023

Hafa raha samy hafa indray ity ataon'ny federasionan'ny baolina kitra ity.

Hiantohany hiofana any Frantsa mantsy ny mpanazatra Roro Rakotondrabe mandritra ny telo herinandro. Hiofana moa no filaza azy fa haka tahaka ny fomba fanaon'ireo klioba lehibe ary hitety any Paris FC, RC Lens ary Brest izy. Efa manana ny licence A CAF mantsy i Roro Rakotondrabe saingy mbola tsy ampy izany raha hitondra klioba lehibe any Eoropa. Fa hatreto aloha dia ny hitondra teknika avo lenta no tanjon'i Roro Rakotondrabe. Tsy mety miresaka amin'ny mpanao gazety intsony mantsy i Roro Rakotondrabe noho ny antony tsy dia mazava satria araka ny filazany dia efa misy miandraikitra ny serasera eo anivon'ny FMF. Mahagaga ihany izany satria na anaran'ireo katita kely nilalao tany Harare farany teo aza tsy nisy maika moa fa ny sekoly nivoahan'izy ireo. Rehefa tsy miteny anefa i Roro Rakotondrabe dia lasa ohatry ny misy tsikombakomba afenina ny resaka Barea. Ny maha maika anefa dia ny hamantatra izay ho mpiandry tsatokazo taorianan'ny ratra nahazo an'i Nina sy Melvin. Raha ny eto an-tanana mantsy toa mbola sarotra satria tsy misy ny Pro League nefa ilay Grand Tournoi Analamanga toa ireo namana eto ihany no nantsoina.
Clément RABARY