Sport

Barea-Fahasalaman’i Ibrahim Amada Tsy misy atahorana fa mila tandremana

Sport
Alatsinainy 13 Mey 2019

Tsy misy atahorana fa mila tandremana na izany aza ny fahasalaman’ilay irakiraka afovoany sady vodilaharan’ny ekipam-pirenena malagasin’ny baolina kitra,

Ibrahim Amada, taorian’ny ratra nahazo indray ny lehilahy ary nijoro ihany koa nandritry ny lalao nihaonan’ny ekipany tamin’ny JS Saoura ao anatin’ny fiadiana ny tompondakan’i Alzeria omaly. Anisan’ny ekipa matanjaka ao Alzeria ny ekipan’ny MCA izay ilalaovan’ity avokavoky ny Barea ity ary na dia resy tany an-tanin’olona tamin’ny isa 4 no ho 3 aza izy ireo iny omaly iny dia mbola misy ihany ny vintana ahafahany hiditra ao anatin’ny laharana 3 voalohany. Tanjona ho an’i Ibra manokana kosa ny ho ampy lalao sy afaka hiatrika am-pitoniana ny tompondakan’i Afrika na ny CAN miaraka amin’ny Barea izay hanomboka ny faran’ny volana izao ny fanomanana azy.

J. Mirija