Barea

Efa tonga koa i Fontaine

Sport
Alatsinainy 03 Jona 2024

Mety hiverina indray izany ny ahitana an'i Thomas Fontaine sy Fabien Boyer ho eo

amin'ny vodilaharana ampovoany. Efa tonga any Johannesburg omaly koa mantsy i Fontaine ary efa ao anaty lisitra ihany koa i Fabien Boyer. Efa tena tsara izany raha izay no tanteraka satria efa tena mahay miaraka ireto ary mifankahazo am-po satria samy teratany avy atsy La Réunion ka mifankahita anaty ady fa samy miteny créole. Izay fifanarahana eny ambony kianja izay no tena zava-dehibe na dia misy mihevitra aza ireo mpanohana hoe i Louis Demoléon no tokony ho eo miaraka amin'i Fabien Boyer. Asa anefa fa i Roro Rakotondrabe mpanazatra aloha dia mbola tsy nananana fotoana lavabe hanazaran-tena toy ny tamin'ity indray mandeha ity. Mety ho an'ny mpilalao koa ny tsy fisian'ny mpijery. Raha ny lohalaharana indray dia andrasana anio i Loïc Lapoussin sy Arnaud Randrianantenaina ka inoana fa hanao zavatra ireo indrindra moa raha misy an'i Carolus eo afovoany. Enga anie....
Clément RABARY