Sport

Partagé sur :
• facebook

Lavon’ny Barean’i Madagasikara 1-0 ny Nzalang Nacional Guinée Equatoriale tamin’ny sabotsy 13 oktobra teo tany amin’ny kianja Nkoantoma any Bata Guiné Equatoriale teo amin’ny andro faha-3

lalao mandroson’ny fifanintsanam-bondrona A hahazoana miatrika ny CAN andiany faha-32 hotontosaina any Cameroun amin’ny taona  2019. Baolina matin’i Faneva Ima teo amin’ny minitra  faha-18 avy amin’ny tolotra nomen’i Voavy Paulin no niantoka ny fandresen’ny Malagasy. Rahampitso talata 16 oktobra eny amin’ny kianja sentetikan’i Vontovorona ny lalao miverina. Araka ny vaovao ofisialy azo avy any Guinée Equatoriale omaly anefa dia fantatra fa tsy afaka nanainga ny fiaramanidina manokana tokony hitondra ny Ekipa roa tonta ho aty Madagasikara noho ny olana eo amin'ny taratasy fahazoan-dalana hisidina ny habakababak’i Tanzania. Efa niara-nisalahy nitady vahaolana miaraka ny Gineana ny FMF avy aty Madagasikara mba ahafahan'ny fiaramanidina ho tonga haingana eny Ivato. Voalaza fa ambony tanteraka ny moralin'ny mpilalao Malagasy mandra-piandry ny ahafahan'ny fiaramanidina miainga.Ary miray fo ny mpilalao sy ny Malagasy fa kely sisa dia tafita amin’ny CAN 2019 ny Barea ary mendrika azy ireo tokoa izany raha dinihana ny ezaka sy fivoarana vita tato anatin’ny herintaona fotsiny.

Voka-dalao hafa  teo amin’ity andro faha-3 ity :

Vondrona A ihany :  Sénégal – Soudan 3-0

Vondrona B : Maroc – Comores 1-1, Cameroun – Malawi 1-0

Ntsoavina Evariste

Tia Tanindrazana

Samia mijoro ho an'i Gasikara.