Sport

Bapasy - Barea “Tsy mararin’ny Coronavirus izany aho “

Sport
Alatsinainy 06 Aprily 2020

Manoloana ny lahatsoratra an-gazety iray nivoaka ny sabotsy teo izay milaza fa miady amin’ny aretina Coronavirus ny vodilaharana eo anivon’ny ekipam-pirenen’ny baolina kitra malagasy,

Pascal Razakanantena na Pascal Razak, fantatry ny rehetra amin’ny hoe Bapasy, dia nitondra fanazavan-tsaina ho an’ireo mpankafy azy sy ny vahoaka malagasy ny tenany. Tsy mararin’ny Coronavirus aho akory, hoy izy, fa salama tsara. Toy ireo olombelona rehetra sy ny mpiray tanindrazana kosa ary ireo namany ao amin’ny Barean’i Madagasikara dia mandray ny ady amin’ity valan’aretina ity ho adidy lehibe hiarovana ny tenany sy ny mpiray tanindrazana ary ny mpiara-belona aminy izy. Antony io handraisany anjara amin’ireo fanentanana rehetra azony atao momba izany ady izany.

J. Mirija