Sport

Baolina vehivavy sokajy U 16 Ny Asot Analamanga no tafavoaka ho mpandresy voalohany

Sport
Zoma 12 Oktobra 2018

Nosokafana ofisialy tetsy amin’ny kianjan’Alarobia omaly alakamisy 11 oktobra ny fifaninanana baolina kitra vehivavy “Tournoi National U 16” karakarain’ny

Federasiona Malagasin’ny Baolina kitra miaraka amin’ny Unicef ao anatin’ny fanamarihana ny Andro Iraisam-pirenen’ny ankizy vavy amin’ity taona 2018 ity. Tafavoaka ho mpandresy voalohany tamin’io andro voalohany fanokafana io ny ekipan’ny Asot Analamanga nanamontsana ny Fc Prescoi Vakinankaratra 4-1. Vololona n° 15 (3’) sy Solomampionona (39’,59’,70’) no nampiditra baolina ho an’ny Asot raha i Fanja n°6 (20’) kosa no nampiditra ny baolina matin’ny Prescoi. Hotohizana eny amin’ny kianjan’i Carion kosa manomboka anio zoma 12 oktobra amin’ny 12h15 ary tsy hifarana raha tsy ny sabotsy 20 oktobra 2018 ny fifaninanana.

Ntsoavina Evariste