Sport

Baolina kitra vehivavy sokajy U 16 Vita omaly tetsy Anosibe ny antsapaka

Sport
Alarobia 10 Oktobra 2018

Vita omaly tetsy amin’ny Motel Anosibe ny antsapaka amin’ny Tournoi baolina kitra vehivavy sokajy U 16 hiarahan’ny FMF sy ny Unicef manantontosa eny amin’ny kianjan’i Carion ny 12-20 oktobra 2018 eny Carion hoenti-manamarika ny andro iraisam-pirenena hoan’ny ankizy vavy izay hankalazaina ny 8 oktobra isan-taona.

Ny andron’ny alakamisy 11 oktobra tolakandro kosa eny amin’ny kianjan’Alarobia kosa dia hisy ny fanokafana ofisialy an’ity fifaninana ity ka hitondran’ny Unice hetsika manokana toy ny Festival Live Your Goals sy ny “ateliers football” ary filaharambe handraisan’ny zatovovavy mahatratra 300 isa manerana ny nosy anjara. Heverin’ny Unicef Madagascar fa eo amin’ny andraikitra sahaniny amin’ny ady amin’ny herisetra atao ny zatovovavy miala sakana dia afaka mampivondrona ny zatovovavy maro ny lalao baolina kitra hahazoan’izy ireo manatsara ny maha-izy azy ireo. Ekipa 8 no handray anjara amin’ity Tournoi ity ka nozaraina ho vondrona 2 ka voasarika ho ao amin’ny Vondrona A ny As 3A Amoron’Imania, Maitsovolo Matsiatra Ambony, Prescoi Vakinankaratra ary ny Asot Analamanga. Ao amin’ny vondrona B kosa no ahitana ny Ac Sab Nam, As Jaf Atsimo Atsinanana, Sos Village des enfants Atsinanana ar yny Fc Manambina Boeny.

Ntsoavina Evariste