Sport

Baolina Kitra vehivavy Mahavelom-bolo ny ao Betafo

Sport
Alatsinainy 20 Febroary 2023

Manomboka tia baolina kitra vehivavy ny mponina ao Betafo. Mifarimbona rahateo moa ny rehetra hamelomana ity kitra vehivavy.

Ankoatry ny Open izay karakarain-dry Masera dia efa nanomboka ny Fifaninanana 8 martsa izay karakarain'ny solombavambahoaka, ny Dokotera Lova. Tomefy olona ny kianja marapenitra ao an- toerana Ary miisa 11 ireo mpandray anjara. Mahavelombolo ny ho avin'ity tanjany ity raha ny zavatra hita hatreto, ary misy ireo tena mahafehy azy raha tsy hiteny afa-tsy Voahirana Rasoarilalao sy Aina Martine samy mpilalao ai amin'ny STPL. Fa raha ny lalao omaly tolakandro aloha dia nanjakan'ny Akany Fanantanjahantena Amboniavaratra Miray (AFAM) izay nandresy 4 noho 0 ny FAM Masera. Nomontsanin'ny Oratorio tamin'ny isa 4 noho 1 koa ny Ankoay raha 2 noho 1 no nandresen'ny Club des Dames ny Faneva.
Legende : Ny mpilalaon'ny AFAM Amboniavaratra ireto no tonga amin'ilay fiteny hoe kely fa dadany
Clément RABARY