Sport

Partagé sur :
• facebook

Nifarana tamin’ny sabotsy 18 mey 2019 teo teny amin’ny kianjan’i Carion ny tamin’ny alalan’ny fanatontosan’ny andro faha-7 ny andiany faha-3 ny fiadiana ny ho tompondakan’i Madagasikara amin’ny

baolina kitra vehivavy Diviziona Elite taona 2018.  Ny vokatra azo tamin’io andro faha-7 farany : Ascuf (5) 1 – 1 (4) Prescoi ; Som (3) 2 – 2  (0) As Comato ; Mifa 1 – 2 Asot ; Askam 5 – 2 Ac Sab Nam. Rehefa natambatra ireo isa azo tamin’ny andiany voalohany sy faharoa ary fahatelo tamin’ity fifaninanana ity dia voahosotra ho tompondakan’i Madagasikara 2018 eo amin’ity fifaninanana DEFF ity ny Askam Itasy isa 54 izay nahazo ny medaly volamena sy ny amboara lehibe ary ny taratasim-bola 3.000.000 Ar, faharoa ny Ac Sab Nam Analamanga isa 52 medaly volafotsy sy amboara ihany koa ary taratasim-bola 2.000.000 Ar, fahatelo ny Asot Analamanga isa 38 medaly alimo sy amboara ary taratasim-bola 1.000.000 Ar. Notolorana ny amboaran’ny “Fair Play” kosa ny ekipan’ny Ascuf Matsiatra Ambony. Saika mpilalaon’ny Aska Itasy avokoa ireo nibata ny amboara hafa samihafa ary notolorana 500.000 Ar avy. Ao ny mpilalao mendrika indrindra : Marie Sarah n°8, mpiandry harato mendrika indrindra i Nanah n°1, mpampidi-baolina mendrika indrindra nahatafiditra baolina 33 i Christina Aimée, ary ny mpanazatra ity ekipa ity dia i  Betty. Niavaka ny fanotronan’ny solontena 2 avy amin’ny Fifa sy mpikambana 2 avy amin’ny “Comité de normalisation Fmf” an’ity famaranana ny DEFF teny Carion ity.

Ntsoavina Evariste

Tia Tanindrazana

Samia mijoro ho an'i Gasikara.