Sport

Baolina kitra vehivavy Division Elite Mbola misongadina hatrany ny Askam Itasy

Sport
Alarobia 31 Janoary 2018

Tontosa omaly teny Carion ny andro faha-3 eo amin'ny tompondakam-pirenena Diviziona Elita sokajy Vehivavy. Nisongadina tamin'ity andro farany ity ny fandresena goavana azon'ny ASKAM Itasy 7 no ho 0 nanoloana ny AS COMATO Atsimo Andrefana.

Tsy nampiasa hery loatra ry Kanto, Haingo ary Tinah dia nibata fandresena. Taloha kelin'io dia nampidera ny talentany ihany koa ry Faridah sy Domoina ary Larissa avy ao amin'ny ASOT izay nandresy an'ny FC PRESCOI tamin'ny isa 3 no ho 0. Ireo vokatra hafa : ASCUF (Matsiatra Ambony) 3-1 SOM (Boeny), Mifa (Analamanga)1-1 SabNam (Analamanga) tab 3-2.
Amin'ny alakamisy ho avy izao ny lalao manasa-dalana eny Carion ka ASKAM # SabNam , ASOT #MIFA ary ny lalao famaranana kosa dia etsy Mahamasina ny sabotsy 3 febroary 2018 amin'ny 2ora30.

Ntsoavina Evariste