Sport

Baolina kitra « Tournoi de vacances 3FA 2017 » Nanao pao-droa ny Bayern Andrefan’i Mananjara

Sport
Sabotsy 26 Aogositra 2017

Tontosa teny amin’ny kianjan’Alarobia Antananarivo, ny alakamisy 24 aogositra teo ireo lalao famaranana ny baolina kitra “tournoi de vacances 2017” ho an'ny sokajy 10 , 13 , 15 , 17 taona ary ny vehivavy nokarakarain'ny club 3FA Avaradrano tarihin-dRakotonirina Harison Philibert.

Nilaza ho afa-po tamin’ny fikararana ny hetsika ity farany satria dia ekipa maro mpitaiza tanora amin'ny baolina kitra no tonga namaly ny antso ka nandray anjara tamim-panajana tanteraka. Tonga nananome voninahitra an’ity hetsika famaranana ity sy nanolotra ireo amboara hoan’ireo mpandresy ny depioten’Avaradrano, Andriamitantsoa Benjamin Andriamitantsoa. Nanao pao-droa ny ekipan’ny Bayern Andrefan’i Mananjara izay nandrombaka ny amboara teo amin’ny sokajy U 13 raha nandresy ny Ersa Antanandrano 3-0 sy teo amin’ny sokajy U 15 ka nandresy ny Ffb Antsirabe “tirs au but” 4-3.

Ireo vokatra hafa :

Sokajy U 10 : Ffb Antsirabe 2 – 1 Ffi Ivandry

Sokajy U 17 : Zamia/Rfb Atsimondrano 2 – 1 Jet Mada

Sokajy Vehivavy : 3Fa Avaradrano 5 – 4 Ezama Andrefanambohijanahary « tirs au but »

Ntsoavina Evariste