Sport

Baolina kitra sokajy zandriny Anio ny manasa-dalana etsy Mahamasina

Sport
Talata 24 Desambra 2019

Hotanterahina anio talata 24 desambra 2019 etsy amin’ny kianjan’i Mahamasina ny manasa-dalana amin’ny fiadiana ny ho

tompondakan’ny baolina kitra sokajy zandriny ao amin’ny seksiona Antananrivo Renivohitra. Nambaran’ny “Président de commission de competition” ao amin’ity rafitra ity teny Betongolo, Atoa Rakotomanana Pierrot, fa ny sokajy taona 7,8 9 no hanokatra izany manasa-dalana izany manomboka amin’ny 8ora30 maraina dia ho tohizan’ny ao amin’ny sokajy 10 sy 11 taona, arahin’ny sokajy 12 sy 13 taona, avy eo ny sokajy 14 sy 15 taona ary hofaranan’ny manasa-dalan’ny sokajy U 17. Nomarihan’ity tompon’andraikitra ity fa hiaraka hotanterahina amin’ny famaranan’ny baolina kitran’ny seksiona Antananarivo Renivohitra ao Mahamasina, faha-29 desambra 2019, avokoa ny famaranana amin’ireo fihaonana rahampitso ireo.

Ntsoavina Evariste