Sport

Baolina kitra sokajy U 17 Tompondaka eran-tany 2017 i Angletera

Sport
Alatsinainy 30 Oktobra 2017

Voahosotra ho tompondaka eran-tany eo amin’ny taranja baolina kitra sokajy U 17 voalohany teo amin’ny tantarany ny Rojita Anglisy rehefa nandavo 5-2 ny ekipam-pirenena U 17 Espaniola ny sabotsy 28 oktobra teo tany Calcutta any Inde.

Efa nitarika 2 no ho 0 tamin’ny alalan’ny baolina matin’i Sergio Gomez (10’, 31’). Nihoitra mafy anefa ry zareo Anglisy ka nahatafiditra baolina 5 be izao taorian’izany i Brewster (44’), Gibbs-White (58’), Foden (69’, 88’) ary Guehi (84’). I Brezila nandresy an’i Mali 2-0 no nitana ny laharana faha-3 tamin’ity fifaninanana ity.

Ntsoavina Evariste