Sport

Baolina kitra « Poule des As » Voatanan’ny Fcv ady sahala ny Fosa Juniors

Sport
Alatsinainy 20 Aogositra 2018

Voatan’ny Fcv Vakiankaratra ady sahala 1-1 omaly alahady 19 aogositra tao amin’ny kianja Velodrôme Antsirabe ny Fosa Juniors Boeny izay mbola mitarika an’isa ihany aloha ankehitriny eo amin’ny filaharana vonjimaika ankapobeny taorian’io andro faha-3-n’ny “Poule des As”

amin’ny “Thb Champions League Malagasy” io. Isa 7 ny azy amin’izao fotoana. Miakatra teo amin’ny laharana faha-2 vonjimaika kosa manana isa 6 ny CNaPS Sport Itasy nandresy ny Elgeco Plus Analamanga 3-1 teny Vontovorona. Laharana faha-3 mazava loatra ny Fcv Vakinankaratra isa 4. Sarotsarotra kosa ny toeran’ny Elgeco Plus Analamanga izay tsy mbola manana isa mihitsy ankehitriny satria resy hatrany tamin’ireo andro 3 voalohany tamin’ity fifaninanana ity. Amin’ny alahady 2 septambra izo indray ny andro faha-4 amin’ity “Poule des As” ity.

Ntsoavina Evariste