Baolina Kitra

Partagé sur :
• facebook

Tsy dia nisy fahagagana ny valin'ny lalao manasa-dalana miverina teo amin'ny PFL fa toa ny lehibe ihany no lehibe.

Nandresy tany Toliara ny Elgeco Plus na dia tena nivoaka sempotra satria ny 3FB no nanokatra ny isa. Nitrotra anefa ny Elgeco Plus rehefa fidirana faharoa ka nahatafiditra ireo baolina roa izay tsorina fa noho ny fanitsiana nataon'ny mpanazatra Henintsoa Hildecoeur. Ny tsy nampoizina anefa ny ny karatra mena azon'i Jean Yves izay tsy afaka milalao amin'ny famaranana amin'ny alahady izao etsy amin'ny kianja Elgeco Plus. Famaranana izay hihaonany amin'ny Disciples FC izay nandresy mazava ny Zanakala tamin'ny isa 3 noho 0. Tsy nisy dinika fa ny nahagaga dia navadikin'ny mpanohana ny Zanakala totohondry izany rehefa nirava ny baolina. Nandresy 3 noho 2 ny Zanakala tany Ampasambazaha nefa dia 8 minitra na tsorina hoe iray sy valo dia nosahalain'i Drogba ny isa. Tsy nijanona teo anefa ny Disciples fa mbola namono baolina roa i Mando (49 ; 88). Na inona miseho na inona miseho amin'ny alahady izao dia efa nanoratra tantara vaovaon'ny baolina kitra any Betafo ireto Disciples ireto. Ny tena tombony dia mampiray ny mponina any ny baolina kitra na dia eo aza ny fizarazarana ateraky ny politika.Mbola tena hiady izany ny famaranana ny alahady izay na dia tsy mora aza ny mandresy ny tompom-baolina. Ny teknika ampetraky ny mpanazatra koa tena misy hitovizana satria samy lehibe tao Mahamasina na i Mamisoa Razafindrakoto na Dekera. Ho hita eo ihany ny tohiny.
Clément RABARY
 

Tia Tanindrazana

Samia mijoro ho an'i Gasikara.