Baolina kitra

Mitrandraka ireo katita ao Betafo ny Disciples FC

Sport
Alarobia 27 Desambra 2023

Tsy misy fampandrosoana marina raha tsy midina mijery ny any ambany ala

rehetra any. Izay indray no tetika hitondran'ny Disciples FC ny anjara birikiny ho fampandrosoana ny baolina kitra. Misy hetsika hokarakarain'ity klioha ity ny 27 hatramin'ny 30 desembra izao ao Betafo. Katita milalao baolina kitra no nataon'ny Disciples ny anaran'ity fifaninanana ity izay handraisana ny sokajin-taona anjara manomboka U10 ka hatramin'ny U17 ary misy koa aza ireo sokajy zokiny ao amin'ny diviziona voalohany. Ny tian'ny Disciples ahatongavana dia ny hanolotra fahafinaretana ireo mpitia baolina kitra. Tsy misaraka amin'izay koa anefa ny fitiliana ireo mpilalao mahay entina hanatevin-daharana ny Disciples miainga amin'ny sokajy zandriny. Toy izao ireo ekipa handray anjara : Antsirabe : FAV Lara, FFB, AS Valahara, FF3A, To Sportif, Antanambao, QLF FC, FOS ary Ajax Junior. Antananarivo : Dignitas, Disciples FC Ambositra : JSA sy Requin Bleu Betafo : Olympique Antanifotsy : Heto Sport Ambohibary : DAM
Clément RABARY