Baolina

Kitra Malagasy telo no herin'ny Saint Pauloise

Sport
Zoma 22 Desambra 2023

Mbola tena manjaka ny mpilalao baolina malagasy atsy La Réunion ! Raha voahosotra ho

tompondaka ny Excelsior dia noho i Angelo, ilay lohalarana tao amin'ny AS Adema fahiny, izany namono baolina betsaka indrindra nandritra iny taom- pilalaovana iny, dia isan'ny be mpankafia koa ny AS Saint Pauloise noho ny fisian'ireo Malagasy telo tompon-toerana ao. Ankoatran'i Francois, Tana Formation teo aloha dia efa milalao any koa i Voavy Paulin ary farany teo taorinan'ny CHAN dia efa any koa i Rojo, ilay mpilalaon'ny Ajesaia taloha. Avy any aoriana makany aloha izany dia Malagasy no mandrindra ny fanafihana satria vodilaharana ampovoany no misy an'i François raha irakiraka i Rojo Be. I Paulin kosa dia io ilany havia ip ihany no tena manavanana azy. Mafy aloha ireto saingy rehefa jerena amin'ny maha R1 azy izany hoe diviziona fahaenina any Frantsay dia tena mbola sarotra ny hilalaovany any amin'ny Barea A. Efa mipoitra daholo koa ireo tena avo lenta toa an'i Rutter izay milalao ao amin'ny Leeds United, diviziona faharoa any Angletera na i Lois Diony izay lohalaharana ao amn'ny SCO Angers. Samy tsara ireo fa tokony jeren'ny mpanazatra Roro Rakotondrabe ihany na dia fantatra aza fa ny hitady mpiandry tsatokazo no mahamaika azy hatreto.
Clément RABARY