Sport

Baolina kitra Malagasy Hetsika 3 samihafa no indray hiseho etsy Mahamasina anio

Sport
Alarobia 09 Aogositra 2017

Hetsika 3 samihafa eo amin’ny tontolon’ny baolina kitra Malagasy no indray hiseho ka harahin’ny mpanakafy an’ity taranja ity anio alarobia 9 aogositra etsy amin’ny kianjan’i Mahamasina.

Ny voalohany izay hanomboka amin’ny 10 ora maraina dia ny fihaonan’ny ekipan’ny Uscafoot Analamanga sy ny Barean’i Madagasikara ho fanomanan-tena faramparany an’ity farany mialohan’ny lalao hifanandrinana amin’ny ekipam-pirenen’i Angola amin’ny alahady 13 aogositra ho avy izao eo amin’ny lalao mandroson’ny dingana faha-3 amin’ny fifanintsanana Chan Kenya 2018.Ny hetsika faharoa kosa dia tohin’ny 1/32-ndalan’ny “Telma Coupe de Madagascar 2017” izay hanomboka amin’ny 12 ora atoandro ka hifanandrinan’ny Disciples Fc Analamanga sy ny CNaPS Sport Itasy.Ary ny fahatelo dia fanatanterahana ny andro fahatelon’ny “Tournoi des As” karakarain’ny ligin’ny baolina kitra eto Analamanga ka hifanandrinan’ny As Adema sy ny Cosfa amin’ny 2 ora tolakandro.

Ntsoavina Evariste