Sport

Partagé sur :
• facebook

Nisongadina ny fandraisantsika ireo lalao nihaonan’ny ekipam-pirenena

Malagasin’ny baolina kitra tamin’ny ivoarianina farany teo ary azo heverina ho vokatra tsara ireny, hoy ireo mpisehatra eo amin’ny tontolon’ny baolina kitra Malagasy. Ho an’ny filohan’ny fikambanana K2HB, Jean Ignace Randrianirina, dia tsy midika hoe mahafa-po anefa izany fa misy azo akana lesona hanatsarana ny hoavy na dia fivoarana tsara aza. Mampanahy tsinona ny lafiny mpandimby satria mety tsy tafiditra loatra amin’ireo lalao hoavy ary hampiova zavatra izay. Isany mampihena ny lanjan’ny baolina eto an-toerana ihany ilay fisiana mpilalao maro avy any ivelany ao amin’ny Barea, hoy ny fanazavany, satria lasa miraviravy tanana izy ireo. Misy fitaizana toe-tsaina mila amboarina ao, noho izany, hoy izy. Ho an’ny filohan’ny klioban’ny baolina kitra Kintana Akademia, Fidy Rakotondramasy, kosa dia nandalo sedra maro ny fanatanjahantena Malagasy. Isany ny baolina kitra noho ireny valanaretina nandalo maneran-tany ireny. Betsaka ny fifaninanana tsy raikitra. Zava-dehibe amin’ny taona hoavy ny fandresen’ny Barea ny Etiopia any an-taniny. Mafy ry zareo fa vitantsika io. Manana fotoana hijerena ireo mpilalao hasolo izay manana olana ankehitriny ny mpanazatra. Fotoana hananganana ny hoavy izao ary tsy tokony ho sakana amin’izany ny aretina. Ho avy koa io ny fifanintsanan’ny tompondaka eran-tany ka mila mijery ireo boay kely izay betsaka no manan-talenta isika, hoy hatrany izy.

J. Mirija

Tia Tanindrazana

Samia mijoro ho an'i Gasikara.