Sport

Partagé sur :
• facebook

Ny filohan’ny “Comité de normalisation FMF”,Rtoa Atallah Beatrice notronin’ireo mpiara-miasa aminy sy ny solontenan’ny FIFA mandalo eto amintsika, Rtoa Sarah Solemane sy ny solontenan’ny

minisiteran’ny fanatanjahantena Malagasy ary ny solontenan’ny COM no nanokatra sy namarana tamin’ny fomba ofisialy ny fivoriambe tsy ara-potoanan’ny baolina kitra Malagasy natao tetsy amin’ny Carlton Anosy omaly alarobia 12 jona  ka niantsoana an’ireo  ligin’ny baolina kitra miisa 22 eto Madagasikara hanatrika izany. Nankatoavin’ireo ligy 21  ara-dalàna tamin’izany ary ny fehezan-dalàna hanatsarana ny fizotran’ny fifidianana hatao sy ny vinavinana datim-pifidianana naroson’ity “Comité de normalisation FMF” ity ary efa nalefany tany amin’ny FIFA. Nifanarahan’ny rehetra fa nanomboka omaly  12  jona ka hifarana ny 12 jolay 2019 ny fandraisana ny antontan-taratasin’ireo maniry hirotsaka hofidiana filoha vaovao sy ireo hirotsaka ho mpikamban’ny komity mpanatanteraky ny FMF. 01 aogositra 2019 :  Famoahana ofisialy ny lisitr’ireo ekena hofidiana. 02 aogositra 2019 :  Fanaovana antsapaka an’ireo kandida ho filoha hapetraka amin’ny bileta tokana sy fidiran’izy ireo ao amin’ny haino amanjerim-panjakana. 08 aogositra-22 aogositra 2019 : fampielezan-kevitr’ireo kandida ho filoha. 24 aogositra 2019 : Fivoriambe hifidianana ny filoha vaovao sy ireo mpikambana ao amin’ny komity mpanatanteraky ny FMF sy  famoahana ny vokatra vonjimaika. 01 septambra 2019 : Famoahana ofisialy ny voka-pifidianana. 02 septambra : Famindram-pahefana eo amin’ny “Comité de normalisation” sy ny filoha vaovaon’ny FMF. 

Ntsoavina Evariste

Tia Tanindrazana

Samia mijoro ho an'i Gasikara.