Sport

Baolina kitra ligy 1 Analamanga 2018 Vonona ny ekipan’ny Uscafoot sy ny mpanazatra vaovaony

Sport
Zoma 16 Febroary 2018

Hanomboka amin’ny alahady 22 febroary izao etsy amin’ny kianjan’i Mahamasina sy any amin’ny kianjan’i Carion ny fiadiana ny ho tompondakan’ny ligin’ny baolina kitra 2018 eto Analamanga ho an’ny sokajy « ligue 1 ».

Ho an’ny ekipan’ny Uscafoot Fivondronana Antananarivo Renivohitra dia nilaza ny fahavononan’ny mpilalao tantaniny i Hil de Cœur na Henintsonarivo Andry Hil de Cœur mpanazatra voalohany mitantana an’ity ekipa ity ankehitriny izay efa nitantana an’ity ekipa ity tamin’ny 2012-2015 fony izy mbola nitondra ny anarana IFC. Tanjonay amin’ity taom-pilalaovana ity, hoy izy ny hiditra ao anatin’ny ekipa 3 voalohany eto Analamanga hilahatra amin’ireo ekipa vaventy eto amin’ny ligy ka ao anatin’ny fanajana tanteraka ny fitsipiky ny lalao no hanatanterahana an’izany.

Any Carion

09:00-Fosa Jr Tanà # Mi 20 Fc

11:00-Cospn # As Adema

Etsy Mahamasina

10:00-Mama Fc # Cnaps Sport Tanà

12:00-Uscafoot # Cosfa

14:00-Tanà Formation # Elgeco Plus

Ntsoavina Evariste