Sport

Baolina kitra « Ligue 1 » any Frantsa Mitombo ny isan’ireo voan’ny Covid-19

Sport
Alakamisy 25 Jona 2020

Nanambara ny tompon’andraikitra ao amin’ny klioba TFC Frantsay, tamin’ny talata 23 jona teo fa mpilalao miisa 4 no voamarina fa mitondra ny tsimokaretina covid-19

taorian’ny niverenenan’ny fifaninanana baolina kitra tany Frantsa nanomboka tamin’ny alatsinainy 22 jona lasa teo ka nanaovana fitiliana avy hatrany an’ireo mpilalao sokajy « Ligue 1 » rehetra. Avy hatrany dia natao « mise en quarantaine » mandritra ny 2 herinandro izy 4 ireo. Tsy nitsahatra hatreo anefa ny fitaran’ireo mpilalao Frantsay mitondra an’ity tsimokaretina ity satria dia nanambara koa ankehitriny ry zareo mpitantana ny ekipan’i Paris-SG fa misy mpilalao miisa 4 hafa mitondra an’io tsimokaretina io koa ao amin-dry zareo. Marihana fa mbola notanana ny fepetra fametrahana elanelana eo amin’ny fiatrehana ny lalao atao ka voarara ny fifampikasohan’ireo mpilalao eny ambony kianja sy eny ivelan’ny kianja koa aza.

Ntsoavina Evariste