Sport

Baolina kitra Ligue 1 Analamanga Tompondaka 2019 ny As Adema

Sport
Alatsinainy 25 Febroary 2019

Ny As Adema Ivato no voahosotra ho tompondakan’ny baolina kitra Ligue 1 eto Analamanga 2019 rehefa nandavo ny ekipan’ny Cosfa miaramila taorian’ny fandakana ny « tirs au but » 5-4 tetsy amin’ny

kianjan’i Mahamasina omaly alahady 24 febroary tolakandro rehefa nisaraka ady sahala 1-1 ny roa tonta teo amin’ny fe-potoana ara-dalàna 90 mn niampy fanalavam-potoana 30 mn. Nanohana mavitrika ny ligy Alfa tamin’ity fifaninanany ity ny orinasa orange ka nanolotra amboara sy fanomezana maro ho an’ireo mpilalao. Anisan’ireo nahazo ny mpilalao nahafaty baolina be indrindra niisa 6 tamin’ny fifaninanana dia i Safidimanana (Cosfa), ny mpilalao mendrika indrindra dia i Fredo Jhonah ( As Adema), ny mpanazatra mendrika indrindra (Jhonny As Adema) ary ireo mpitsara mendrika indrindra sy mpiasan’ny CUA 3. Natolotra tamin’io omaly alahady teny Mahamasina io ihany koa ny amboara maha tompondakan’ny D-2 2018 ny ekipan’ny Five Fc Boriborintany faha-V.

Mbola hisy ny fiadiana ny ho tompondakan’ny sokajy D-2 2019 sy tompondakan’ny sokajy « jeune » ho an’ny ligin’Analamanga.

Ntsoavina Evariste