Sport

Baolina kitra Italiana Nofaranana tanteraka ny taom-pilalaovana 2019 - 2020

Sport
Alarobia 22 Aprily 2020

Tsy mifanara-kevitra be ihany ireo mpitantana lalao baolina kitra any Italia ny amin'ny tokony hanohizana ny fiadiana ny ho tompon-daka any an-toerana.

Fantatra izao fa nanapa-kevitra ny hamaranana tanteraka ny taom-pilalaovana 2019-2020 ny sokajy Serie A ny Ligin'ny baolina kitra Italiana izay nivory tamin'ny alatsinainy 20 aprily lasa teo. Ekena, hoy ny fanambaran'ity rafitra ity fa ny lalàna havoakan'ny FIFA sy UEFA ary ny FIGC "Federasion'ny baolina kitra Italiana" sy ny zava-misy ara-pahasalamana no mamaritra ny famerenana indray ny "championnat" eo amin'ny baolina kitra nefa dia noraisina io fanapahan-kevitra io noho ny fandavan'ireo ekipa maro ny hiverina an-kianja indray. Marihana fa amin'ny 04 mey ho avy izao no hanatanterahana ny "Déconfinement" any Italia.