Sport

Baolina kitra Hilalao any Algérie i Arnaud

Sport
Alarobia 27 Janoary 2021

Rehefa niezaka nitady lalana tany Eoropa am-bolana maro mba hidirana amin’ny

sehatra maha matihanina eo amin’ny baolina kitra dia fantatra ankehitriny fa hijanona eto Afrika ihany ilay lohalaharana Malagasy, Arnaud Randrianantenaina na Arnaud Randria, eo amin’izay sehatra maha matihanina eo amin’ity tontolo ity izay. Izy izany no mpilalao Malagasy malaza faha 3 hiditra ao anatin’ny fifaninanam-pirenena Alzerianina ho an’ny sokajy divizionina voalohany taorian-dry Carolus Andria sy Ibrahim Amada. Eo am-pamaranana ny dingana rehetra ahafahana manao famindrana ankehitriny ny klioba Malagasy, Elgeco plus, izay ilalaovany amin’izao, sy ny klioba tokony hifindrany ao Algeria dia ny MC Alger, raha ny fampitam-baovao voaray farany. Raha tsy misy ny sampona dia tokony hanainga eto Madagasikara hihazo an’i Alger atsy ho atsy ity lohalaharana Malagasy vao 20 taona sy 24 andro ity.

J. Mirija